sultan_se

GALAXY SII

قدّر الله علي وشريت جالكسي اس تو  ضمان شركة لعله صار له عطل انه مايقدر الكمبيوتر يتعرف عليه , « يافرحة ماتمت
محاولات دامت أكثر من أسبوعين علشان ازين العطل كلها فاشلة , وبعد البحث اقتنعت أن المشكلة هاردوير وديته للشركة يوم الإربعاء واتصلوا علي
 قالوا الضمان مايشمل جهازك يالأخو بسبب دخول سوائل للجهاز وخرب البورد حق اليو اس بي.
مع أني ما أذكر جاه سوايل قلت الله يعوضني „ طيب بكم تصلحونه قالوا نرد لك يوم السبت , قلت بلاها عطني الجهاز أزينه برا,
وبعد السؤال عن أفضل صيانة فورية بالمرسلات رحت له , أستأذني بفك الجهاز , قلت خذ راحتك , بعد شوي يجيني ويقول آي سيات الجهاز كلها محروقه
ويبي يكلفك 450 ريال , شفت أن كلامه اختلف عن كلام الشركة , قلت عطني أياه والله يعوضني .
بعدها وأنا أمشي وإلا ألقى ذا الرجال اللي واقف عند باب محله , سألته عن وين ألقى أحد يعرف يسوي صيانه جالكسي اس تو , قالي أنصحك بالرجال الفلاني
اللي بالكشك اللي بالمحل الفلاني.
قلت خلني أروح أشوف وش عنده , مانيب خسران شيئ
دخلت قلت له السالفة „ أخذ الجوال وأستأذني بفكه قلت خذ راحتك „ جاب فرشة أسنان وقعد يحك بورد اليو اس بي , بصراحة خفت يخربه زود .
ورجّعه ثاني مره , شبكه على الكمبيوتر وضبط ولا كأن فيه عطل .
قلت كم حسابك , قالي اللي تدفعه عطيته المقسوم „
بعدها رحت للبيت جبت أيبود مكسوره شاشته وغيرها لي بـ 140  « اقل سعر شفته بالمرسلات.
الفايدة من هالكلام ان الفني السوري يستاهل أسوي له دعاية :) لأني وقفت عنده ساعة تقريباً وعليه زحمة مهب طبيعية ماشاء الله عليه
المشكلة ذا الزحمة مهب أفراد , هذولا راعين محلات الصيانة يستلمون اجهزة من الناس على أنهم هم اللي يبي يصلحونه , وفوق ذا كله أخلاقه أكثر من رائعة.